Matbah Emini Hasan Ağa Çeşmesi

Çeşmenin kitabesi kemerinin üstündedir. Daha yukarıda da 1268 ( M.1851) yılında çeşmenin Abdülmecid tarafından tamir ettirildiğini gösterir, ikinci kitabe vardır.

Esas kitabe şöyledir:

Sırr-ı Mevlâna –yı Rûm Âdem Efendi kim olur Hankah-ı mevlevîde mürşid-i sâhib-reşâd Tekyesinde var idi suya kemâl-i ihtiyac Himmet ile kıldı dervişanı memnûn-ı murad

Sevk idüb bir sâı-yi hâyrat-ü sâhib-kudrete Eyledi bu çeşmeyi bünyad ol merd-i cevâd Hâliyâ Matbah Emini ol kerîm-üş-şan kim Meşreb-i hulkı Hasan Aga-yi hâlis-i’tikad

Yapdı böyle ayn-i dilcû eyleyüb mâlin sebil İtseler nâmın rûz-i haşre dek hayr ile yâd Kevser-i cennet gibi oldu muvaffak hak bu kim Kâbe-i uşşakda bu çeşme-i zemzem-nijad

Hebbezâ âb-ı hayat-efzâ ki her bir katresi Taşnegân-ı âleme oldu safâ-bahş-i fuâd Böyle hayrin ecrini tahrire imkan olmıya Olsa yer eşcâr-ı âlem hâme deryalar medâd

Âb gibi dâimâ tab’ı keder-yab olmayub Ömrünü ide safâlarla Cenab-ı Hak ziyâd Ey Nisârî teşneler bu çeşmeye târih içün Didiler ayn-ı Hasan rûh-i Hüseyn-i kıldı şâd (1059)

Tamir kitabesi:

Fâiz-ül ayn-ı inâyet menba’-ül enhar-ı cûd Âb-rû-yi ma’delet Şah-ı cihan Abdülmecid Âlemi feyz-i zülâl-i adlle ihyâ ider Olalı mâ-ül hayât-ı şevketi her an mezîd

Matbah Emini Hasan Ağa yapub bu çeşmeyi İki yüz sâl akdem itmişdi bu câyi müstefid Sonra râhı bozulub akmazdı su bu vakte dek

Hayr-i cârî sâhibin …………………………………. Hamdilillah ol şehinşah-ı cihan bu çeşmenin Lûtf idüb suyun akıtdı oldu nev feyz-i bedîd Eylesün Hak tâ ebed sîrab-ı feyz-i saltanat

Haşre dek olsun o Hâkan vâsıl-ı ömr-i medîd İki târih-i güher-fer buldu Zîver suyunu Olalı bahr-i remilde …….. nazm-ı ferîd Bak Hasan Aga-yi reyyan eyledi icrayle cûd

Çeşmesine su akıtdı lûtf-i Şah Abdülmecid (1268)