Bereketzade Çeşmesi

Kemerin üstüne yerleştirilen kitabesi;

Ayn-i şefkat menba’-ı âb-ı zülâl-i merhamet Mehd-i şevket mâder-i Sultan mahmud-ül fial

Derc-i ismet Valide Sultan ki oldu dâimâ Kârı fikr-i bâkiyat-ı salihata iştigal

Sıdkla bir hayr-i câri itdi kim girmez ele Su yerine kılsalar mahzen dolusu bezl-i mâl

Yâ’ni şehr-i müslime âbâd ile Tophanenin İhtiyac-i âbdan ittikde halkı arz-ı hal

Gûş idüb tab’ında cû –yi merhamet cûş eyledi Hızr-ı tevfik-i ilâhi oldu rah-ı hayre dâl

Eyledi nageh biniş bir gün kemerler semtine Nur-i ayn-i Hazret-i Hakan-ı İskender-misâl

Gör şu te’yid-i hayy-i tevfik-i feyz-i mutlakı Suyu sâfi âba vâfi eylemekde eyler hayâl

Âb-ı rûyin kûhsar itdi ayağına nisar Kıldı yaşın çeşme-i hayvan yolunda hâkimal

İtdiler hem çeşmeler bünyâd idüb irva-yi dehr Kıldılar hem fazlasını taksim-i ashab-ı celâl

İşte ez-cümle bu cû-yi kevser-âsâ çeşmeyi Defteri şıkkıevvel yapdı bâ-ihlâs-i bâl

Ol Muhamed nam-ı mahmud-ül mesâir kim odur Hayrhah-ı saltanat âb-ı rû-yi ehl-i kemal

Su gibi ezberleyüb Hâfız okur tarihini İç Muhammed aşkına ma’ çeşmeden âb-ı zülâl

Sağdaki küçük kitabe;

Hâfızâ bir olub dü mısra’ider İki tarihi çeşme-i taksim (1145)

Soldaki küçük kitabe;

Ma’ bu tesnim-i cû-yi cennetden Akdı iç aynân-ı tecriyan-ı naim

Çeşmenin altında bulunan kitabesi;

Banisi oldı mukaddem Fatih’in müezzini İşbu izzetle bu aynı böylece inşa kılan

Bunları devr-i felek kıldı harab ender harab Bir tarafdan kalmadı banisini yad eyleyen

Mehd-i ulyanın mübarek didesine rast gelüp Der-akab ihyasına emr eyledi ol sayeden

Hazinedar-ı Azm-i Cemal kim sayesinde nam olup Can u baş üzre deyüp ta’mirin ihya etdiren

Mehd-i ulyaya dua kılsa seza ehl-i zemin Bir tarafdan zat-ı paki bir tarafda bendeden

Cümle hayrata sa’i oldılar Allah içün Rahat olmaya bunu inkarla olan laf-zen

Binde bir düşer dedi Nazım-ı Nazif tarihini İç bu ma-i Kevseri Azm-i Cemal icra iden

Ve mine’l mai külle şey’in hayy efela yü’minun