Mehmet Emin Ağa Sebili

Çeşme iki ince sütunun tuttuğu oymalı bir kemer ve yine oymalı büyük bir ayna taşından oluşmaktadır. Kemerin üstünde kitabe, onun üstünde renkli mermerden bir kare içinde yuvarlak boş bir madalyon ve daha yukarısında ise “ Bismillâhirrahmanirrahim- Ve minel mai külli şey’in hay” yazısı yer almaktadır.

Çeşmenin kitabesi şöyledir:

Zâbit-i cünd-i sipah tâif-i bet-ilâh Umde-i sahâb-ı cah ya’ni Mehemmed Emîn İtdi yerinde eser nâil-i ecr eyleyüb Eyleye sa’yin Hüdâ hüsn-i kabûle karîn Şâkir okur teşnegân su gibi târihini Çeşme-i ayn-ül-hayat yapdı Mehemmed Emîn

(1154)

Sebilin yine Şakir tarafından yazılmış bulunan kitabesi de pencerelerin üzerinde altlı üstlü ikişer beyit olmak üzere ya almıştır. Fakat kitabenin bazı yerleri kırıktır:

Cenâb-ı sâhib-i hayrat Emîn Mehemmed Ağa Kim oldur elsinede bezl-i cûd ile meşhur Derûnu menba’-ı âb-ı zülâl-i hayr-ü hasân Birûnu masdar-ı birr-ü nevâl-i nâ-mahsûr Ümmid-i ecr-ü rica-yi kabûl ile Hakdan Bu âbı eyledi icrâya gûşiş-i mevfûr Hulûs-i niyyet-ü sıdk-ı derûnu bâisdir Yerinde böyle bir âli eser ola manzûr Tevessül itdi rıza-yı Hüda-yı hemcûne Sebîli yapdı idüb bezl-i vüs’at-i makdûr Sebîl-i pâkinin âb-ı hayat…………………..

……………………………………………………….

Utâşı eyledi irvâ sebil-ü çeşme-i pâki Anı da iki cihanda Hüda ide mesrur Ümmid-i ecr-ü rica-yi kabûl ile Hakdan Zemân-ı haşre dek ayn-i ilâh ider ma’mür Edâ-yi hidmet-i târîhî beyt-i vâhid ile Aceb mi Şâkir olursa bu vech ile mestûr Sebîl-i pâki bu sûde binâ iden ya Rab Bi-hakk-ı câh-i Muhammed Emîn ola me’cûr

(1154)

Dış görünüş bakımından çeşmeden farksız olan kapının en yukarısında “Bismillahirrahmanirrahim- ve sekahüm rabbihim şeraben tahura” yazısı, onun altında da kitabe yer almaktadır. Kitabe şöyledir:

Kapu sana açıldı ey sebîl-i pâk-ü bî-hemtâ Utaşı sen de kıl âb-ı revân-efzâ ile irvâ Bir içim suyun amma hakkı vardır olmayub münker Duâ-yi hayr-i bânisiyle olsun nûş iden gûya Gel ey teşnegân işte sebîl-ü çeşme-sâr işte Hep ebnâ-yi sebîle âfiyetler nûş idin sahhâ