Matbah Emini Hasan Ağa Çeşmesi

Galata Kulesine Bakan Kitabesi;

Ve sekâhum Rabbuhum şerâben tahûrâ

Sokak içine bakan Kitabesi;

Haliyâ Matbah Emini Hasan Ağa ki ider

Dâimâ hayr u sevâb itmek içün re’y-i savâb

Fukarâ zümresine lütf u atadır kârı

N’ola olursa duâcıları hep şeh ile şâb

Hüsn-i hulkı şeref-i zatın ider halka ayân

Feyz-i cûdu kerem-i tab’ını eyler işrâb

Hâtırın yapmadadır lütf ile halkın her gâh

N’ola devrinde anın kalmaz kalb-i harâb

Gerçi kim meşrebi her demde olur fâ’iz-i cûd

Yine ammâ ki idüp teşne-lebânı sir-âb

Yapdı bir çeşme idüp malını su gibi nisâr

Ki vire hâtır-ı atşana ferah vefret-i âb

Bu mahallede var idi suya zaruret hakkâ

Herkesi eyler idi tâb-ı harâret bi-tâb

Şimdi bir menba’-ı pâkize olundu bünyâd

Akdı bir âb ki reşk eyler ana Kevser-i nâb

Âb-ı cûdu ile reyyân ola dâim dünyâ

Meşrebin ayn-ı hayât eyleye rabbü’l-erbâb

Dedi tarihini bu çeşmeye hayrın Cevri

Hak kabul ide zehi ayn-ı lâtif âb-ı sevap