Abdülmecit Han Çeşmesi

Sultan Abdülmecid tarafından 1258/1842 yılında yaptırılan eser, zaman içinde değişime uğramış ve yan sokaklara bakan cephelerindeki sekiz adet yalağı da 1960 yıllarda kaldırılmıştır.1

Kitabesi;

“Menba’-ı ayn-ı adâlet hazret-i zıll-i Hüdâ

Ya’ni Hân Abdülmecid şâhenşeh-i iklim-güşâ

Öyle sultân-ı cihân-ârâ ki daim fikreti

Sû be sû i’mâr-ı âlem def’-i zulm ü nâ-becâ

Seyl-i kahrı sürmede hâşâk-i ter-î düşmeni

Cû-yı lütfi ser be ser celb etmede dâim duâ

Bâğ-ı dehre çün zülâl-i adli verdikçe hâyât

Sayesinde râhat üzre olmada bây ü gedâ

Dâima hayrata sarf etmekde lütf u himmeti

Menba’-ı cûdun akıtdı o pür-ihsân-ı mâ

İşte ez-cümle Ali Paşa-yı abd-i hâssına

Emr idüp bu çeşme-i zîbâyı kıldı çün binâ

Ya’ni ol zât-ı necib-i nâzır-ı Harbiyye kim

Böyle Âsaf öyle şahenşah-ı devrâna sezâ

Hızr idüb tevfikini ol Âsaf-ı zi-şânâ Hak

Âb-ı hayâtı şeh-i devrâna oldı reh-nümâ

Vâlidi sultân Mahmud’un idüp rûhunu şâd

Kevser icrâ eyledi ol pâdişâh-ı kâm-revâ

Katresin nûş eyleyen bulur hayât-ı câvidan

Cüst ü cû gel eyleme işte budur âb-ı bekâ

Bir içim su yoğ iken bu karyede câri olur

Saye-i şâhânede azb-i fürât oldı atâ

Bahr olur evsâf-ı şâhı eylesem tafsil eğer

Katredir bû hâme-i rû-yı siyehden mâ-cerâ

Eylesün ikbâl ü ömr ü şevketin Allah füzûn

Teşnegân bu çeşmeden içdikçe âb-ı cân-fezâ

Ağlasun cûlar gibi düşmenlerin güldükçe sen

Kec bakanlar devletine jâle-veş olsun hebâ

Neşr olunsun su gibi âvâz-ı nusret âleme

Leşker-i din-i mübîn etdikce düşmenle vegâ

Şâkira evsâf u medhin bu musaffâ çeşmenin

Bir beyitte iki tam tarihle kıldım edâ

Çeşme-i âb-ı hayâtı yapdı el-hak pâdişah

İç hemân sen âb Hân Abdülmecid’e kıl duâ

Ketebehu abdü’l-müznib Mehmed Vuslati 1258

(1) 7 Z. N. Sezen, “Abdülmecid Çeşmesi”, Dünden Bugüne İstanbul Ansiklopedisi, C. I, İstanbul 1994, s. 49

Abdülmecid Han Çeşmesi

Menba'ı ayn-ıı adâlet hazret-i zıll-i Hûdâ

Ya'ni Hân-ı Abdülmecid şâhenşeh-i iklim-güşâ

Öyle sultân-ı cihân-ârâ ki dâim fikreti

Sû be sû i'mar-ı âlem def'i zulm ü nâ-becâ

Konum;https://t.co/ZrqWTXGSN7 pic.twitter.com/Fqgh2fDxst

— Ali Osman Dilekoğlu (@agahefendi__) January 4, 2020

Kaynak