Bab-ı Ali Alay Köşkü Kapısı

Ol şehenşâh-ı müceddid- menkabetdir şüphesiz Hâmî-i aktâb ü evtâd-ı cihân sâhib-zamân Eyleyip miʻmâr-ı iʻmâr-ı memâlik ʻadlini Köhne dünyâya yeniden verdi zînet bî-gümân Kâr-gîr etse nola ol şeh binâ-yı mülkünü Dâd-gerlikde salâbet gösterir bak her zamân

Çend-sâl akdem kazâ-yı âsumânîden gece İhtirâk etdi bu dâr-ı âsâfî çün ahterân Bir zamân kaldı dil-i vîrâne-i ʻâşık gibi Görecek kıldı terahhum hâline şâh-ı cihân Yanmamak üzre binâsı kâr-gîr olsun deyû Eyleyüp fermân kıldı dehre ihsânın beyân

Yapdı bâb-ı âsâfın evvelkinden aʻlâ metîn Eyleyüp bu bâbda lutf ol Süleymân-ı zamân Sâye-i şâhânesinde öyle maʻmûr oldu kim Zînet-i bünyânına reşk etmede kasr-ı cihân ʻAhdine mahsûs ancak böyle zîbende binâ Misli yok bir şâh-ı zî-şân olduğu günden ʻayân

Haşre dek Hak be-karâr etsin binâ-yı şevketin Zâtı olsun iftihâr-ı millet-i islâmiyân İki târih-i güher-pîrâyesin Zîver kulu Tâk-ı bâb üzre duʻâ-yı hayr edip kılsın nişân Şevket ü ömr-i füzûn-ter vere Bârî dâimâ Etdi Bâb-ı ʻÂlî’yi âbâd hâkān-ı cihân 1259

Yazı Türü: Celî taʻlîk Hattatı: Kitâbede hattat imzası bulunmamaktadır. Târih Kaydı: 1259/1843 Dili: Türkçe, manzum kitâbe

Kitabenin Metni واضع اس قوانين نظام ملك و دين حضرت عبدالمجيد خان ظل رب مستعان سلطنت بنياننك اولمش عمادى همتى اولمده طاق بلند مجدى رشكآسمان اول قدر محكمكه ديوار متين شوكتى انحراف ايتمز كورورسين حشر اولنجه انس و جان اول شهنشاه مجدد منقبتدرشبهه سز حامى اقطاب و اوتاد جهان صاحب زمان ايليوب معمار اعمار ممالك عدلنى كهنه دنيايه يكيدن ويردى زينت بيكمان كاركير ايتسه نوله اول شه بناى ملكنى دادكرلكده صلابت كوسترر باق هر زمان چند سال اقدم قضاى آسمانيدن كيجه احتراق ايتدى بو دار آصفى چون احتران بر زمان قالدى دل ويرانه عاشق كبى كوريجك قيلدى ترحم حالنه شاه جهان يانمامق اوزره بناسى كاركير اولسون ديو ايليوب فرمان قيلدى دهره احسانن بيان يابدى باب آصفين اولكيدن اعلا متين ايلدى بو بابده لطف اول سليمان زمان سايهء شاهانه سنده اويله معمور اولديكيم زينت بنياننه رشك ايتمده قصر جنان عهدينه مخصوص انجق بويله زيبنده بنا مثلى يوق بر شاه ذيشان اولديغى كوندن عيان حشره دك حق برقرار ايتسون بناى شوكتك ذاتي اولسون افتخار ملت اسلاميان ايكى تاريخ كهر پيرايه سين زيور قولى طاق باب اوزره دعاى خير ايدوب قيلسون نشان ۱۲۵۹ شوكت و عمر فزونتر ويره بارى دائما ايتدى باب عالى يى آباد خاقان جهان ۱۲۵۹